Нападите на бес може да го зголемат ризикот од срцев или мозочен удар

Студија на Универзитетот „Колумбија“ покажала дека клетките во крвните садови на луѓето престануваат да работат правилно кога луѓето ќе се налутат. Оштетувањето на клетките може да го ограничи протокот на крв, што, пак, може да го зголеми притисокот врз срцето и да го зголеми ризикот од срцев или мозочен удар.

Исто така, долгорочно може да придонесе за срцеви заболувања. Анксиозноста и тагата не го загрозуваат здравјето толку многу како гневот, велат истражувачите во списанието на Американското медицинско здружение.

-Други студии ги поврзаа чувствата на негативните емоции со срцев удар или други кардиоваскуларни настани. Видовме дека предизвикувањето состојба на гнев доведе до дисфункција на крвните садови и дека нарушената васкуларна функција е поврзана со зголемен ризик од срцев и мозочен удар Истражувањето на основните врски може да помогне во идентификувањето на ефективни цели за интервенција - истакнал авторот на студијата, професорот Даичи Шимбо .

Студијата опфатила 280 учесници преку една од четирите емотивни задачи. Тие морале или да се сетат на лично сеќавање што ги налутило, да се потсетат на лично сеќавање на анксиозност, да читаат низа депресивни реченици или постојано да бројат до 100 за да предизвикаат неутрална состојба.

Во меѓувреме, научниците ги анализирале клетките во крвните садови на луѓето, за да видат како секоја емоција влијае на нив. Тие откриле дека гневот доведува до оштетување на проширените крвни садови, до 40 минути потоа.

Професорот Глен Левин, од Медицинскиот колеџ Бејлор, истакнал:

-Оваа студија е уште една плус информација во растечката база на докази дека менталната благосостојба може да влијае на кардиоваскуларното здравје.

Срцевите заболувања се еден од најголемите убијци во Велика Британија, зад деменцијата како водечка причина за смрт. Повеќе од седум милиони Британци имаат некоја форма на срцеви заболувања. Секоја година, повеќе од 100.000 се хоспитализирани поради срцев удар, а уште 100.000 поради мозочен удар.

Најдобрите начини за одржување на здравјето на срцето се балансирана исхрана, одржување здрава тежина, редовно вежбање и избегнување пушење.

Извор: klix.ba

Фото: Freepik