Научници од Хонг Конг велат дека се близу до пронаоѓање лек за ХИВ

Научници од Институтот за сида при Универзитетот на Хонг Конг соопштија дека се близу до пронаоѓање „функционален лек“ за ХИВ-вирусот што го предизвикува синдромот на намален имунитет СИДА. Станува збор за ново антитело кое би се користело и за превенција и за лекување на болеста.

Истражувањето е спроведено во период кога Кина се соочува со поинтензивно ширење на сидата меѓу високоризичните групи и е предводено од професорот Чен Зивеи.

- Сега луѓето заразени со ХИВ можат да го држат вирусот под контрола со антиретровирусни лекови што го спречуваат да зарази нови клетки. Но, тие мора да се примаат секој ден и не ги лекуваат веќе заразените ткива. Новото антитело има значително подолго траење од постојните лекови и ќе може да се прима на три месеци. Новооткриеното биспецифично антитело дејствува против сите верзии на ХИВ-вирусот - вели професорот.

Речиси 850.000 Кинези се заразени со ХИВ, покажуваат податоците од ОН.