Што најмногу гуглале Македонците во 2018 година?

Во текот на изминатата година Македонците најмногу го користеле „Гугл“ за играње игри, информирање за Светското првенство во фудбал, гледање реално шоу, преведување и информирање за репертоарот во киносалите.

Овој заклучок може да се донесе според она што алатките на „Гугл“ го нудат кога станува збор за темите и поимите што Македонците ги гуглале во текот на 2018 година.

На врвот на листата е светски познатата игра „Фортнајт“, на второто е најважната споредна работа на светот - фудбалот. Тоа и не е некое изненадување со оглед на тоа што годинава се одржа и Светското првенство, па Македонците, како и целиот свет, беа зафатени од треската. На третото место, кога станува збор за најпребарувани поими, е „Задруга“. Тоа е српско реално шоу. Веќе на четвртото место е барањето на преведувачот на „Гугл“, а на петтото е „Синеплекс“.

Треба да се напомене дека на шестото место на најпребарувани поими е името на една од поголемите спортски обложувачници во Македонија, што можеби е показател за заразеноста на Македонците од обложување.

Погледнете што најмногу гуглале Македонците во текот на 2018 година.
Најбарани поими

1. Фортнајт
2. Светско првенство
3. Задруга
4. Превод од англиски на македонски
5. Синеплекс мк

Најбарани теми од областа на уметноста и забавата

1. Евровизија 2018
2. Фортнајт
3. Карди Би - американска раперка
4. Avengers: Infinity War - 2018 филм

Најбарани поими од областа луѓе и општество

1. Јужни ветар цео филм
2. اخبار شیعه
3. Ерга омнес
4. Јужни ветар

Интересна е и листата со најпребарувани поими што алатките на „Гугл“ ја вадат кога станува збор за поими од областа работа и образование што Македонците ги гуглале во 2018 година.

1. Нова интернационално училиште
2. Матура 2018
3. Work and Travel
4. Вафли рецепт
5. Али експрес
Кога станува збор за вестите поврзани со политичките настани, сигурно сите веќе знаат кој е најпребаруваниот поим.

1. Референдум Македонија
2. Референдум Македонија 2018
3. Референдум МК
4. Плусинфо