Се бара кандидат што ќе изгледа 25 божиќни филма во 25 дена

Некој среќник што живее во САД ќе биде платен да гледа 25 божиќни филма за 25 дена. Хонорарната работа ја нуди веб-страницата за оценување производи „Ривјус“.

Ќе биде избран еден кандидат што ќе ги гледа филмовите по сопствен избор. Веб-страницата ќе му додели едногодишна претплата на секоја од дигиталните платформи за филмови и серии, вклучувајќи ги и „Нетфликс“, „Хулу“, „Дизни +“ итн.

По гледањето на филмовите треба да се пополни кратка анкета за филмот. На крајот се добива надомест од 2.500 долари, како и бесплатната претплата за платформите.

Може да се пријавуваат лица што имаат најмалку 18 години и имаат работна дозвола во САД. Од сите кандидати се бара да опишат зошто заслужуваат да ја добијат работата.

Пријавувањето трае до 4 декември. Официјалната веб-страница може да ја најдете овде.

Автор: Елен Гутоски
Извор: mentalfloss.com
Насловна фотографија: Pixabay