Еве како изгледаат познатите кинески летечки автомобили и колку ќе чини еден
Подготвил:
Тамара Гроздановски
Лектор:
Ивана Кузманоска
Кинеската компанија „Ариџ“ во Дубаи го претстави својот летечки автомобил - модуларниот ЛАК (англ. Land Aircraft Carrier), кој може вертикално да полетува и да слетува, слично како хеликоптер.
Оваа демонстрација привлече големо внимание меѓу локалните власти, инвеститори и потенцијални купувачи од Обединетите Арапски Емирати и Катар.
Електричниот ЛАК може да се контролира со рачен управувач, но поседува и автоматски режим на лет, што значи дека можат да го користат и лица без пилотска дозвола.
Во Кина цената ќе биде пониска од 233.000 евра, а компанијата ги планира првите продажби за редовните купувачи во 2027 година. Досега се забележани 600 преддоговори за возилото.
Властите во Дубаи нагласуваат дека летечките автомобили ја претставуваат иднината на мобилноста и очекуваат дека со влегување на поголем број компании на пазарот, овие возила ќе станат подостапни за пошироката јавност.
Извор:
Nova.rs
Фотографии:
Facebook