За пробиотиците и нивните ефекти врз здравјето

Пробиотиците се живи микроорганизми кои го подобруваат здравјето кога се консумираат во соодветни количини. Постојат многу различни видови, и можете да ги конзумирате во храна или како додатоци во исхраната.

За бактериите во вашето тело се вели дека се побројни од клетките на вашето тело. Според одредени проценки, имате 39-300 трилиони бактерии кои живеат во вас.

Голем дел од овие бактерии живеат во вашето црево, а мнозинството се прилично безопасни. Некои од нив се корисни, а мал број можат да предизвикаат болест.

Имањето соодветни цревни бактерии е поврзано со бројни здравствени придобивки, вклучително и следново:

• слабеење
• подобрено варење
• зајакната имунолошка функција
• поздрава кожа
• намален ризик од некои болести

Пробиотиците, кои се одреден вид пријателски бактерии, обезбедуваат здравствени придобивки кога се дел од нашата исхрана.

Тие често се земаат како додатоци кои би требало да помогнат во колонизирање на цревата со добри микроорганизми.

Што се всушност пробиотиците?

Пробиотиците се живи микроорганизми кои, кога ги конзумираме, ни овозможуваат одредени здравствени бенефити.

Пробиотици можете да добиете од додатоци во исхраната, како и од храна подготвена со бактериска ферментација.

Пробиотичката храна вклучува јогурт, кефир, кисела зелка, темпе и кимчи. Пробиотиците не треба да се мешаат со пребиотици, кои се јаглени хидрати.

Важноста на вашите микроорганизми и пробиотици

Вашата цревна флора се состои од стотици видови микроорганизми. Овие микроорганизми вршат бројни важни телесни функции.

Пробиотиците се широко истражувани за нивните ефекти врз здравјето на дигестивниот систем.

Доказите сугерираат дека додатоците на пробиотици можат да помогнат во лекувањето на дијарејата поврзана со антибиотици.

Кога луѓето земаат антибиотици, особено за подолг временски период, тие често доживуваат дијареја - дури и долго откако е искоренета инфекцијата.

Тоа е затоа што антибиотиците убиваат многу природни бактерии во вашето црево, што го менува балансот на цревата и им овозможува на штетните бактерии да напредуваат.

Пробиотиците исто така можат да помогнат во борбата против синдромот на нервозно дебело црево (IBS), вообичаено дигестивно нарушување, намалување на гасови, надуеност, запек, дијареја и други симптоми.

Пробиотиците можат да бидат ефикасни против разни дигестивни проблеми, вклучувајќи дијареја поврзана со антибиотици и IBS.

Некои истражувања покажуваат дека луѓето со дебелина имаат различни цревни бактерии од оние кои се слаби.

Истражувањата покажуваат врска помеѓу цревните микроби и дебелината и кај доенчиња и кај возрасни. Исто така, покажува дека микробните промени во цревата се фактор за развој на дебелина како возрасен.

Затоа, многу научници веруваат дека вашите цревни бактерии се важни за одредување на телесната тежина.

Иако е потребно повеќе истражување, некои докази сугерираат дека одредени сорти на пробиотици можат да помогнат во слабеењето. Неодамнешниот преглед на добро дизајнирани студии за пробиотици и губење на тежината кај луѓе со прекумерна тежина и дебелина сугерира дека пробиотиците можат да ви помогнат да изгубите тежина и да го намалите процентот на маснотии во телото.

Истражувања покажале дека жените кои земале пробиотици изгубиле 50% поголема тежина во текот на 3 месеци, во споредба со оние кои земале таблети.Тие, исто така, продолжија да губат телесната тежина во текот на фазата на одржување на тежината на студијата.

Во една добро дизајнирана студија, на 114 возрасни лица со дебелина им бил даден или пробиотик Lactobacillus gasseri или плацебо за 12 недели. Оние кои земале пробиотик доживеале значително намалување и на телесната масна маса и на обемот на половината.

Од сите пробиотски бактерии изучувани до денес Lactobacillus gasseri покажува некои од најперспективните ефекти врз слабеење.
Една студија што следеше 210 лица со значителни количини на маснотии во стомакот откри дека земањето на Lactobcillus gasseri за 12 недели ја намалува телесната тежина, маснотиите околу органите, индексот на телесна маса (БМИ), големината на половината и обемот на колкот. Уште повеќе, маснотиите во стомакот се намалија за 8,5%. Меѓутоа, кога учесниците престанаа да го земаат пробиотикот, тие го вратија целото масно ткиво на стомакот во рок од 1 месец.

Раните истражувања ветуваат дека одредени цревни бактерии наречени психобиотици можат да помогнат во лекување на когнитивни и невролошки нарушувања, како што се аутизам, Алцхајмерова болест и Паркинсонова болест.

Други здравствени придобивки

Постојат многу други придобивки од пробиотиците. Тие можат да помогнат во следниве состојби:

• Воспаление: Пробиотиците го намалуваат системското воспаление, водечки двигател на многу болести.
• Депресија и анксиозност: Се покажа дека пробиотичките соеви Lactobacillus helveticus и Bifidobacterium longum ги намалуваат симптомите на анксиозност и депресија кај луѓе со клиничка депресија.
• Холестерол во крвта: Се покажа дека неколку пробиотици ги намалуваат вкупниот и ЛДЛ (лошиот) ниво на холестерол, иако истражувањето останува контроверзно.
• Крвен притисок: Пробиотиците исто така може да предизвикаат скромно намалување на крвниот притисок.
• Имунолошка функција: Неколку пробиотички соеви можат да ја подобрат имунолошката функција, веројатно доведувајќи до намален ризик од инфекции, вклучително и оние што предизвикуваат настинка.
• Здравје на кожата: Постојат некои докази дека пробиотиците можат да бидат корисни за акни, розацеа и егзема, како и за други кожни нарушувања.
• Анти-стареење. Иако истражувањето е исклучително ограничено, постојат докази дека пробиотиците имаат потенцијал да го продолжат животниот век со зголемување на способноста на клетките да се реплицираат сами.

Ова е само мал дел од придобивките на пробиотиците, бидејќи тековните студии укажуваат на широк дијапазон на потенцијални здравствени ефекти.

Пишува: м-р по фармација Зулкифли Зенуни