Разрушени фасади, уништени излози и народ по улиците - каква е состојбата во албанските градови по земјотресите
Два земјотреса со магнитуди од 5.8 и 5.5 степени по Рихтер во период од десетина мунити се случија попладнево во близина на Драч, Албанија, објави Европско-медитеранскиот сеизмолошки центар, а беа почувствувани и во нашата земја, пренесе МИА.
Првиот земјотрес е регистриран во 16:04 часот по локално време со магнитуда од 5.8 по Рихтер и епицентар во Јадранско Море на длабочина од десет километри, на шест километри од Драч и 34 километри од Тирана. Вториот земјотрес бил во 16:15 со магнитуда од 5.5 по Рихтер со епицентар на длабочина од три километри и на седум километри од Драч.
Земјотресите предизвикаа паника кај жителите на Албанија, кои веднаш излегоа на улица. Одредени медиуми
пренесоа дека во селото Хељмес се урнале неколку куќи и дека две лица се тешко повредени, а потоа пристигнаа
вести за седуммина повредени.
Веднаш по земјотресот медиумите почнаа да пренесуваат снимки и фотографии од штетите. На оваа снимка може да се видат штетите на Геолошкиот универзитет во Тирана.
Ова се последиците од земјотресите.
Состојбата во маркет во Драч по земјотресите
Фото: Albeu
Уништен излог во продавница во Тирана
Фото: Albeu
Фото: Albeu
Фото: Albeu
Инаку, на интернет-страницата на албанскиот Институт за геонауки, енергија, вода и околина може да се види дека изутринава имало уште еден земјотрес, кој бил послаб (3,2 степени).
Фото: IGJEUM (Printscreen)
Сеизмолошката опсерваторија при ПМФ-Скопје соопшти дека првиот земјотрес, кој е на 190 км југозападно од Скопје, е со Рихтерова магнитуда од 5.6 и беше почувствуван од населението во западните делови од државата со интензитет од IV до V степени, а во останатиот дел со интензитет од III до IV според Европската макросеизмичка скала.
Земјотресот е почувствуван и во Црна Гора и Косово.