Дете седна во електричен „мерцедес“ на Саемот за автомобили и го заби во ѕид
На Саемот за автомобили што се одржа во Париз минатата недела две момчиња влегоа во изложбеното електрично комбе „мерцедес“, по што едното од нив го стартува и удри во ѕидот од штандот.
Освен интересните премиери и возбудливите концепти, од овогодишниот Саем за автомобили во Париз пристигнува и една помалку бизарна снимка. Имено, на претпоследниот ден, на штандот на „Мерцедес“ дојде до необичен инцидент во кој учествуваше новото електрично комбе. Две деца, од кои ниедно не беше постаро од 12 години, влегоа во паркираното изложбено возило.
Удар во ѕидот од штандот
Додека се наоѓаа во кабината, едното успеа да го стартува електричниот погонски систем и да го префрли менувачот во рикверц. Кратката снимка што се прошири на социјалните мрежи прикажува вработен од штандот кој залудно се обидува да го запре возилото во движење. Возилото удри во задниот панел од штандот. Ударот предизвика видливи оштетувања на преградниот ѕид, а вработениот во „Мерцедес“ остана во шок.
По судирот двете момчиња излегоа од возилото и го напуштија местото на настанот, но набрзо им пријдоа припадници на службата за обезбедување. Во моментов не е познато какви мерки се преземени кон малолетниците, како ни износот на материјалната штета настаната на штандот или на самото возило.
Фото: принтскрин