Цените на куќите најмногу паднале во овие земји

Цените на куќите се намалуваат низ светот. Поточно, податоци објавени од Светскиот економски форум покажуваат дека цените на домовите приспособени на инфлацијата се намалуваат во две третини од земјите членки на Организацијата за економска соработка и развој (ОЕЦД).

Податоците се однесуваат на цените за последниот квартал, во однос на претходниот период од три месеци. Може да се забележи дека намалувањето на цените на куќите е најголемо во Данска и во Нов Зеланд. Следуваат Шведска, Канада, Колумбија, Бугарија, Летонија, Унгарија и Чешка. Куќите најмалку поевтиниле во Шпанија, Ирска и во Саудиска Арабија.


Податоците покажуваат дека пазарите на недвижности се приспособуваат на растечките каматни стапки како што централните банки се обидуваат да ја забават инфлацијата. Главната каматна стапка се зголемила за просечно 4 процентни поени во големите економии.

Каматните стапки играат клучна улога во одредувањето на цените на недвижностите, како и растот на приходите на населението и други фактори.

Извор: World Economic Forum
Насловна фотографија: Pixabay