УКЛО ги објави конкурсите за запишување студенти за академската 2026/2027 година
Универзитетот „Св. Климент Охридски“ – Битола ги објави конкурсите за запишување студенти на прв, втор и на трет циклус студии за академската 2026/2027 година, со што официјално започнуваат уписните активности за новата академска година
https://uklo.edu.mk/blog/upisi-2026-27/.
Конкурсите ги содржат сите информации за условите за запишување, бројот на слободни места, критериумите за селекција, потребната документација и роковите за пријавување на кандидатите и се достапни на следните линкови:
Конкурс за прв циклус студии: https://uklo.edu.mk/wp-content/uploads/2026/07/KONKURS-I-ciklus-studii-2026-2027.pdf
Конкурс за втор циклус студии: https://uklo.edu.mk/wp-content/uploads/2026/07/Konkurs-II-ciklus-studii-2026-27.pdf
Конкурс за трет циклус – докторски студии: https://uklo.edu.mk/wp-content/uploads/2026/07/KONKURS-III-ciklus-studii-2026-2027.pdf
Првиот уписен рок за запишување студенти на прв циклус студии започнува во согласност со термините утврдени во Конкурсот, при што кандидатите ќе можат да конкурираат на студиски програми што ги реализираат единиците во состав на Универзитетот. На прв циклус додипломски студии може да се запишат вкупно 2.115 од кои 1.074 места се во државната квота, 612 со кофинансирање и 429 за вонредни студии. Пријавувањето на кандидатите во првиот уписен рок ќе се реализира во деновите: 18, 19, 20 и 21.8.2026, на 3 и 4.9.2026 за вториот уписен рок и третиот, на 23 и 24.9.2026 година.
При изборот на УКЛО, идните студенти можат да ја посетат и платформата на КОЛОРС Алијансата
https://uklo.edu.mk/colours/ чија членка е Универзитетот „Св. Климент Охридски“ – Битола. Преку оваа европска универзитетска алијанса, УКЛО со повеќе од 4.000 студенти е дел од академска заедница што поврзува над 120.000 млади луѓе од девет европски универзитети. Со учеството во КОЛОРС, УКЛО овозможува заедничко градење и унапредување на европските вредности во високото образование, како и нови можности за меѓународна соработка, мобилност и академски развој.
По објавување на конкурсите за запишување студенти за академската 2026/2027 година, од УКЛО е упатен повик до сите заинтересирани матуранти и кандидати навремено да се информираат за конкурсите, да ги следат предвидените рокови и да ја изберат студиската програма што најдобро одговара на нивните интереси, знаења и професионални амбиции.