Пронајдена порака во шише стара 82 години

На плажа во Џерси било пронајдено шише во кое имало порака напишана пред 82 години. Во пораката се барало од оној што ќе го пронајде шишето да испрати фотографија.

Пораката била напишана на 5 септември 1938 година од страна на Џон Стејплфорд од Хертфордшир. Била напишана на задната страна од стара кутија за торта и ставена во стаклено шише. Фирмата што ја направила тортата и компанијата која го произвела шишето порано се наоѓале во Џерси, па многумина сметаат дека пораката била испратена од островот.


Пораката гласела: „Го замолувам пронаоѓачот да комуницира со Џон Стејплфорд, 18 авенија Фицџон, Барнет, Хертс, Англија. Со фотографија.“

Пораката ја пронашол Најџел Хил, кој го шетал своето куче на плажата. Тој морал да го скрши шишето за да ја прочита пораката. Успеал да стигне до дамата што сега живее на адресата оставена во шишето. Таа открила дека Џон Стејплфорд ја купил куќата во 1921 година.


Подоцна Хил открил дека Стејплтон бил роден на 4 август 1889 година и работел како социјален работник и сметководител. Имал сопруга, Нели, а починал на 2 декември 1980, на 91-годишна возраст.

Извор: Independent.co.uk