Корисни трикови за тастатура што треба да ги знаете
Подготвил:
Тамара Гроздановски
Лектор:
Ивана Кузманоска
Не морате сите работи на компјутер да ги правите со помош на глувче. Вашата тастатура може да направи многу повеќе, а ова се само неколку примери.
Триковите функционираат само на оперативниот систем „Мајкрософт“ за десктоп-компјутери и лаптопи. Сите работат на „Виндоус 10“, а повеќето и на постари оперативни системи.
Висок контраст: Shift+Alt+Print
Oвој трик отвора прозорец што ви овозможува да ја активирате опцијата за висок контраст која ќе ја зголеми големината на буквите во сите отворени прозорци и ќе ги промени боите во висок контраст. На пример, десктопот ќе стане црн, а црните букви бели. Притиснете ја истата комбинација на копчиња за да се вратите во претходната состојба.
Свртете го екранот: Crtl+Alt+стрелките за горе, долу, лево и десно
Овој трик нема да функционира на сите компјутери бидејќи зависи од тоа дали вашата графичка картичка и видео-драјвер ја поддржуваат оваа опција. Ако сакате оваа промена да ја задржите засекогаш, тогаш отворете Settings (копчето за „Windows“+I), па отворете „System“ и потоа „Display“. Под „Orientation“ можете да ја изберете опцијата што ви одговара.
Префрлање од еден на друг отворен прозорец: Alt+Tab
Ако сакате да работите со повеќе отворени прозорци, не мора постојано да го користите глувчето за да се префрлате. Оваа опција ви овозможува тоа да го правите и со помош на тастатурата.
Бришете без потврда: Shift+Del
Доколку ви здосади постојаното потврдување дека сакате нешто да избришете, користете ја оваа опција.
Прикажување на десктоп/враќање на отворениот прозорец: копчето за „Windows“+D
Ако треба набрзина да побарате нешто на десктоп, не морате да ги затворате или минимизирате прозорците. Искористете ја оваа опција.
Заклучување на системот: копчето за „Windows“+L
Не оставајте го компјутерот незаклучен. Искористете ја оваа опција.
Исклучете го компјутерот: копчето за „Windows“+ X,U,I/U/R/H/S
Комбинацијата на „Windows“ и X ќе отвори „Quick Acces“, комбинацијата со U ќе ја отвори опцијата „Shut Down“ или „Sign Out“. R ќе го рестартира, H ќе го стави во хибернација, а S ќе го испрати на спиење.
„Google Chrome“ и „Mozilla Firefox“
Корисни кратенки за популарните веб-пребарувачи
Преминете на отворени табови: Ctrl+ [tab#1-9]
Наместо скролање по сите отворени табови, отворете го оној што ви треба. Да речеме потребно ви е да го отворите четвртиот таб. Во тој случај притиснете Ctrl+4, додека Ctrl+9 ќе ви го отвори последниот отворен таб без оглед на тоа колку табови имате отворено.
Навигирање по табовите: Ctrl+Tab или Ctrl+Shift+Tab
Корисно кога имате отворено многу табови. Првата комбинација овозможува движење од лево на десно, а втората обратно.
Затворете таб: Ctrl+F4.
Брз и ефикасен начин на затворање табови без користење глувче.
Отворете ги затворените табови: Ctrl+Shift+T
Случајно го затворивте табот? Нема проблем: оваа комбинација ќе го врати.
Скролање без глувче: Shift+Space
Добар начин за листање на веб-страниците без глувче.
„Microsoft Office“
„Excel“
Затворање табела: Ctrl+W
Отворање табела: Ctrl+O
Избирање боја за пополнување: Alt+H,H
„PowerPoint“
Промена на големина за избран текст: Alt+H,F,S
Ставање слика: Alt+N,P
Ставање форма: Alt+H,S,H
Ставање тема: Alt+G,H
Избирање изглед на слајдот: Alt+H,L
„Outlook“
Нова порака: Ctrl+Shift+M
Одговор: Alt+H,R,P
Испраќање порака: Alt+S
Стави датотека: Alt+N,A,F
„Word“
Затвори активен прозорец или документ: Ctrl+W
Направи ги сите букви големи: Ctrl+Shift+A
Зачувај како: Alt+F, A
Прикажи низ цел екран: Alt+W, F