Директорка во САД на уникатен начин им направи алманах на матурантите

Директорка во САД на уникатен начин им направи алманах на матурантите

Подготвил: Тамара Гроздановски

Лектор: Ивана Кузманоска

Директорка во средно училиште во Флорида на уникатен начин се обиде да им оддаде почест на своите матуранти, со оглед на тоа што училиштата во Флорида се затворени поради ситуацијата со Ковид-19.

Знаејќи како матурантите од училиштето ги поминуваат своите последни средношколски денови и дека нема да имаат матура, директорката на училиштето „Поплар Спрингс“, Фарика Вест, одлучила да им овозможи на средношколците да искусат барем мал дел од матурата.

Откако долго време размислувала како може да им оддаде почит, Вест му се јавила на училишниот фотограф кој претходно направил фотографии од матурантите за нивниот алманах.

Вест ги зголемила фотографиите од средношколците, ги отпечатила и ги поставила на обете страни од патот до училиштето во Грејсвил. Сега лицата на 30 насмеани матуранти ги поздравуваат возачите што поминуваат по овој пат.

На изненадување на Вест, иницијативата била поуспешна отколку што очекувала.

- И луѓето чии деца не учат тука, од Џорџија, Алабама, Мисисипи, доаѓаат за да ги видат нашите ученици - вели Вест.

Учениците биле трогнати од гестот.

- Поминувам покрај моето училиште секој ден и секојпат кога ќе погледнам, ги гледам фотографиите со нашите лица. Ова е нешто што дефинитивно ни дава утеха - вели еден од матурантите.



Извор: Good News Netwrok
Фото: Screenshot/YouTube