Лани во Македонија докторирале 174 лица, најмногу вработени во образованието

Минатата година 174 лица во Македонија го стекнале звањето доктор на науки, што претставува намалување за 11,7 % во споредба со 2022 година, објави Државниот завод за статистика.

Најголем број од лицата, 22,4%, докторирале во областите бизнис, администрација и право, потоа 20,7% во здравство и социјална заштита, следуваат општествените науки, новинарството и информирањето со 13,8 %, уметноста и хуманистичките науки со 12,1%, а останатите области се со помал процент на застапеност.

91 жена одбраниле докторска дисертација во текот на 2023 година, што претставува 52,3% од вкупниот број лица што докторирале во истата година.

Најголемиот процент од вкупниот број лица што докторирале, вкупно 37, односно 21,2%, ја вршат својата професија во образованието.