ДЗС: Просечната нето-плата за октомври е 45.943 денари
Во октомври 2025 година просечната месечна исплатена нето-плата изнесува 45.943 денари, додека просечната бруто-плата за истиот месец е 69.089 денари, соопштија од Државниот завод за статистика.
Оттаму истакнуваат дека во октомври 2025 година, во споредба со октомври 2024 година, просечната месечна исплатена нето-плата по вработен е повисока за 9 %.
- Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: дејности на здравствена и социјална заштита за 13,3 %, административни и помошни услужни дејности за 13,2 % и дејности во врска со недвижен имот за 10,9 %. Зголемување на просечната месечна исплатена нето-плата по вработен, во споредба со претходниот месец, е забележано во секторите: дејности во врска со недвижен имот за 9,5 %, информации и комуникации за 4,2 % и административни и помошни услужни дејности за 3,6 % - стои во соопштението.
Фото: Freepik