Барбадос ќе доделува едногодишни дозволи за престој на странци што работат на далечина

Премиерот на Барбадос предлага иницијатива која треба да привлече повеќе туристи на островот за време на пандемијата.

Сите оние што работат од дома за време на пандемијата на коронавирусот би можеле да добијат шанса да се релоцираат на Карибите според еден предлог од владата на Барбадос. Премиерот Миа Мотли размислува за воведување таканаречен „печат за добредојде на Барбадос“ со кој странците би можеле да живеат на островот додека работат, до една година. 

Мотли ја предложила иницијативата бидејќи краткиот туристички престој на островот станува потежок поради пандемијата. Учеството на туризмот во бруто-домашниот производ (БДП) на земјата изнесува 40%. Дури 30% од сите вработени лица на островот се вработени во секторот, кој е најпогоден од пандемијата.

Барбадос ги отвора границите за странските туристи на 12 јули. Сите патници што пристигнуваат мора да покажат негативен резултат од тест за Ковид-19 и мора да носат маска на аеродромот.

Според предложената иницијатива, странците би добивале дозволи за престој до една година на островот додека работат.

Извор: news.sky.com