Срушен митот за богатиот Запад: Каде се исплаќа да работите денес, а каде не вреди ни да се обидете?

Новата карта, изработена врз основа на најновите податоци на „Евростат“, открива дека невработеноста во Европа во 2026 година станала прашање на микролокација, а не на државни граници. Додека некои делови од континентот речиси немаат проблеми на пазарот на трудот, други сè уште бележат алармантни бројки.


Што ја предизвикува високата невработеност во Европа?

Регионите во Јужна Шпанија, Грција и Јужна Италија претставуваат најголеми „жаришта“ на невработеност, со стапки кои во некои области надминуваат 20 отсто. Во Андалузија и Јужна Италија невработеноста трае повеќе од една деценија и ги ограничува економските можности на локалното население. 

Спротивно на тоа, Чешка, Полска и германска Баварија бележат значително пониски стапки на невработеност, често под 5 отсто. Работните места се релативно достапни, а пазарот на трудот е силен и стабилен. Овие региони покажуваат дека Европа истовремено содржи „работни оази“ и „економски пустини“.

Каде се наоѓа Балканот на мапата на можности?

Ситуацијата на Балканот е мешана. Грција, Албанија и делови од Србија и Црна Гора бележат високи стапки на невработеност. Македонија се наоѓа во групата на земји со повисока стапка на невработеност. Таа е обележана со портокалова нијанса, што укажува на приближно 15 до 20 отсто невработеност. Овој податок ја става Македонија над европскиот просек, но сепак не меѓу најкритичните региони во Јужна Европа.

Најинтересниот образец не е само меѓу државите, туку во нив. Северна Италија ја вработува речиси целата работна сила, додека југот бележи двојно повисоки стапки на невработеност. Истото важи и за Германија, каде што западните делови уживаат просперитет, а источните сè уште го достигнуваат економскиот развој. Слична внатрешна нерамнотежа постои и во Шпанија - Каталонија и Андалузија јасно ги покажуваат разликите во рамките на истата држава.

- Најголемите разлики во шансите за работа не се меѓу државите, туку во нив. Север против југ, исток против запад – тоа се обрасци што одлучуваат за животите на луѓето што се во работоспособна возраст - вели Милош Поповиќ.

И навистина, новите податоци се немилосрдни. Старата слика на Европа повеќе не постои. Додека со децении верувавме дека границата на благосостојба завршува на поранешната Железна завеса, новата карта на „Евростат“ ни покажува сосема поинаква реалност.

Извор: 6yka.com 
Фото: Freepik