Како да вратите избришани фотографии на ајфон?

Во денешно време најмногу спомени зачувуваме на нашиот телефон. Меѓутоа, што доколку случајно ги избришете сите фотографии од телефонот?

Кога станува збор за ајфоните, потешко е да ги изгубите фотографиите отколку самиот телефон. Само треба да знаете каде да барате откако случајно ќе ги избришете фотографиите. Сите избришани фотографии на ајфоните одат во папка наречена „Recently deleted“ и стојат таму 30 дена, а потоа трајно се бришат, пишува „Ментал флос“.

Откако ќе ја најдете папката со избришани фотографии, може да ги вратите на старата локација со нивно селектирање и одбирање на опцијата „Recover“ на долниот десен дел од екранот.

Потешко е да се најдат фотографии што биле избришани пред повеќе од 30 дена, а во овој случај може да се обидете со барање на папката за избришани фотографии во „Ајклауд“. Може да се обидете и со враќање на старата верзија од ајфонот која била зачувана со „бекап“. Ова ќе ги врати сите податоци што биле на телефонот кога било извршено последното зачувување, вклучувајќи и избришани апликации, пораки и фотографии.

Доколку користите „Ајтјунс“ или друга апликација за зачувување на податоците на телефонот, може да ги вратите старите податоци оттаму.

Автор: Мишел Дебчак
Извор: mentalfloss.com
Фото: Pixabay