Многу често плаче за ситници, вреска, си ја кубе косата и си ја гризе раката. Многу сум загрижена...

Мајка сум на 3-годишно девојче и на 9-месечно синче. Ќерка ми многу е хиперактивна и постојано прави глупости, знае понекогаш да го искуби брат ѝ, да го удри или да му стави нешто во уста. Многу често плаче за ситници, а и кога плаче, вреска на цел глас, знае да почне сама да си ја кубе косата, да се гризне на раката и легнува на под. Постојано прашува што сум ѝ купила и ако ѝ купам нешто што не го сака, го зема и го фрла. Имаме и многу голем проблем со мобилниот, ако не ѝ го дадеме, почнува со плачење, викање, фрлање играчка и легнување на под.
Многу ретко знае да се заигра сама дома, а ми кажува дека во градинка со никој не си игра. Одбива да ѝ покажуваш нешто и кога ја учиш, не слуша и бега. Знаат и од градинка да ми се пожалат дека не е мирна и не ги слуша. Кога ќе направи глупост најчесто јас, татко ѝ или баба ѝ да ја казниме да стои во ќош. Потоа се извинува, но пак ја повторува истата грешка.