Бил Гејтс предупредува за ВИ: „Никогаш не постоело толку моќно оружје“

Бил Гејтс, коосновачот на компанијата „Мајкрософт“, во интервју за телевизијата Ен-би-си изјави дека вештачката интелигенција во комбинација со злонамерни поединци би можела да предизвика последици со повеќе од милијарда жртви, поради што упати апел до политичарите и државните органи итно законски да ја регулираат таа технологија.

- Вештачката интелигенција е доволно моќна да предизвика настани што ќе предизвикаат милијарда мртви. Никогаш не постоело оружје толку моќно како спојот на злонамерни луѓе и најновите алатки на вештачката интелигенција со кои се користат - предупреди американскиот милијардер на прашањето дали таа технологија може да го загрози целото човештво.

Гејтс нагласи дека не е доволна само регулација од страна на технолошките компании и дека е неопходно директно вклучување на законодавците. Според него, неопходно е надлежните органи за спроведување на законот и политичарите активно да се вклучат во дефинирањето на заштитните мерки и надзорот над развојот на вештачката интелигенција.

По серијата хакерски инциденти што го привлекоа вниманието на јавноста, повторно се засилија повиците за построга регулација на вештачката интелигенција. Водечките компании во оваа област, меѓу кои „Опен АИ“ и „Антропик“, во меѓувреме најавија дека се подготвени да го забават развојот на своите модели.

Извор: Nova.rs
Фото: Screenshot/YouTube