За најдобриот студент на Православниот факултет, 130 психолози работат со кочанчани, во кои земји купуваат имоти Македонците... Што пишувавме неделава?
Каде најчесто купуваат имоти Македонците: Грција сѐ уште е најатрактивна, но популарни се и Албанија и Србија
Македонците сѐ повеќе купуваат недвижности во овие три земји, но сега причината не е само уживањето во одморот, туку е повеќе бизнис, односно потенцијалните купувачи гледаат да остварат приходи со изнајмување или со продажба на недвижноста по одредено време со оглед дека цените на станбениот квадрат рапидно растат и кај нас и во соседството.
„Теологот мора да има познавања од сите области на човечкиот живот“ , вели Стефан Лакордов, најдобар студент на Православниот факултет
„Убаво е чувството да се биде меѓу најдобрите студенти“, вели Стефан Лакордов, дипломиран теолог на Православниот богословски факултет „Св. Климент Охридски“, по прогласувањето на најдобрите дипломирани студенти за академската 2023/2024 година од страна на Универзитетот „Свети Кирил и Методиј“.
„Ваква трагедија не може да се надмине, но со мали чекори може да се учат вештини како да се живее со тоа“: Психолози секојдневно работат со кочанчани
Околу 130 психолози преку Комората на психолози три месеци деноноќно работат со преживеаните млади луѓе, ученици, студенти, наставници, со родители кои ги загубија своите деца и граѓани кои ги загубија своите роднини во големата трагедија во дискотеката „Пулс“ која однесе 62 животи на 16 март годинава.