Човекот кој ги посетил сите земји во светот ги открива најопасните места на планетата

Повеќето луѓе го планираат својот одмор врз основа на рецензиите на „Трипадвајзор“, цените на авионските билети и тоа дали хотелот има базен. Меѓутоа, младиот американски јутјубер Дру Бински ги планира своите патувања по сосема поинакви, честопати екстремни критериуми.

Во текот на последната деценија Бински ја обиколи секоја земја на планетата, вклучувајќи ги Северна Кореја, Авганистан и други дестинации кои повеќето туристи би ги заобиколиле. Неговиот канал го следат 5,7 милиони луѓе, а по десет години непрекинати авантури, Дру издвои пет дестинации кои најмногу го исплашиле.

1. Могадишу, Сомалија

На првото место, без сомнение, се наоѓа главниот град на Сомалија. Бински го опишува Могадишу како град „без правила и закон“, каде што дури и обичното излегување од хотел бара воена придружба, возила за обезбедување напред и назад, како и вооружени војници во панцири. Постојаната закана од милитантната група Ал Шабаб создава атмосфера во која опасноста е опиплива на секој чекор.

- Многу, многу страшно и многу тажно искуство - заклучи Дру.

2. Конакри, Гвинеја

Главниот град на Гвинеја го зазеде второто место. Бински се присети како полицијата го запрела само 10 минути по излегувањето од хотелот, а врвот на драмата се случил кога се нашол среде обид за државен удар. Искуството во Конакри го опишува како „апсолутен хаос“.

3. Кандахар, Авганистан

Кандахар, историското прибежиште на талибанците, со децении е под строга контрола и во состојба на постојана нестабилност. Иако Дру бил импресиониран од древните пазари, нагласи дека атмосферата во градот е исклучително тешка и напната, и покрај тоа што тој лично има голема љубов кон Авганистан како земја.


Главниот град на Хаити е поврзан со најтешкото лично искуство на Дру. Со локален водич влегол во област во близина на аеродромот која ја контролираат банди. Ситуацијата брзо ескалирала, па вооружени луѓе ги опколиле, им барале пари и им впериле оружје.

5. Триполи, Либија

На 5. место е Триполи. За време на посетата во 2018 година Бински, како што вели, заспивал слушајќи ги звуците на артилеријата во далечината. Движењето низ градот било проследено со постојани полициски претреси бидејќи органите на редот не биле навикнати на присуство на странски посетители. Сепак, Дру забележува дека Либија последниве години полека се отвора и се надева дека ќе се врати таму.

И покрај сериозните проблеми со безбедноста и криминалот, Бински вели дека многу од овие места кријат неверојатни природни убавини. Сомалија поседува некои од најнедопрените плажи и корални гребени, додека Авганистан ги чува бисерите како што се тиркизната џамија Хазрат Али и восхитувачките езера на Националниот парк Банд-е Амир.

- Тоа се земји со богата историја и култура, каде што јазот меѓу нивниот туристички потенцијал и суровата реалност, за жал, и понатаму е огромен - заклучува овој светски патник.

Извор: Euronews.rs
Фото: Wikipedia