Белите песочни плажи и најсреќните места на Земјата не се единствените популарни дестинации кај туристите. Секоја година, милиони луѓе патуваат до места кадешто пред децении луѓето не сакале да бидат. Францускиот фотограф Амброис Тезан е фасциниран со темниот туризам уште од 2008 година, откако прочитал дека туристите започнале да го посетуваат регионот во Шри Ланка кој бил погоден од цунами. Повеќе од 30.000 луѓе биле убиени од ова цунами. Тој неодамна објави книга „Toursime de la Désolation“, која се фокусира на ужасните места кои денес се доста познати туристички атракции.