Компаниите „Биг“, „Срч“ и „Ајкон“ откриваат дека работат на таканаречениот проект „Олимп“, чија цел е развој на роботска конструкција за Месечината.
Проектот има цел да развие начин за создавање 3Д-отпечатена инфраструктура за живот на Месечината со употреба на материјали што се наоѓаат на нејзината површина.
- Со „Ајкон“ ние поместуваме нови граници - материјално, технолошки и еколошки - вели Бјарк Инглес, основач на „Биг“.
- За да се објасни моќта на архитектурата, „formgiving“ е дански збор за дизајн што буквално значи да се даде форма на она што сè уште не е дадено. Ова станува фундаментално јасно кога ќе патуваме надвор од Земјата и ќе почнете да замислуваме како ќе градиме и живееме во целосно нови светови - додава тој.
Работејќи со Центарот за вселенски летови на НАСА, „Маршал“, тимот ќе користи симулатор на Месечевата почва за да ја испита 3Д-конструкцијата што треба да се печати.
Додека другите проекти предлагаат надувување или ментални конструкции, проектот Олимп е наменет да создаде робусна конструкција, приспособена на околината на Месечината. Тимот рече дека со користење на 3Д-печатење и локални материјали тоа ќе биде и поодржливо и ќе го намали отпадот.
- Истражувавме разни градежни форми идеални за одржување на атмосферскиот притисок и оптимизирани за заштита од космичко и сончево зрачење. Живеалиштето ќе биде дизајнирано со неверојатна роботска конструкција што нема да создаде никаков отпад.
- 3Д-печатењето со автохтони материјали е одржливо и разновидно решение за надворешната конструкција што ќе се покаже од витално значење за нашата иднина тука на Земјата и во вселената - додаваат од компанијата „Срч“, која ќе соработува со НАСА.
- Со технологии и параметри за ефикасност развиени за изградба на вонземни згради, проектот „Олимп“ ќе ни помогне и да градиме одржливо на планетата Земја бидејќи се трудиме да го намалиме јаглеродниот отпечаток на изграденото опкружување - вели Мартин Воелкле од компанијата „Биг“.
Проектот претставува дел од посветеноста на НАСА за истражување на животот на
Месечината, што ја вклучува и програмата „Артемис“ за испраќање на првата жена и следниот маж на Месечината во 2024 година.
Извор:
Dezeen.com
Фотографии: Icon/BIG/SEArch