Дали сте знаеле дека законот во Британија бара од секој Британец на возраст од 17 до 60 години да има стрела и редовно да вежба? Законот бил укинат во 1960 година.
Кристофер Сарџант, студент на докторски студии на Универзитетот во Кембриџ неодамна направи топ листа на бизарни, непознати и луди закони во Велика Британија.
1. 1313 Статутот
Овој статут забранува носење на оклоп за време на настанот PMQ (Prime Minister's Questions). Впрочем, зошто некој би носел оклоп?
2. Законот за лиценцирање од 1872 година
Ако сте пијани, тогаш не ви е дозволено да поседувате крава или коњ. Исто така, законот забранува да поседувате оружје или парна машина.
3. Метрополитскиот полициски акт од 1839 година
Ја знаете играта кога тропате на нечија врата, а потоа бегате? Да, тоа е нелегално.
4. Метрополитскиот полициски акт од 1839 година
Секако, истиот закон, меѓутоа со уште една одредба која вели дека правите прекршок ако носите када, тркала, скали, буре, столбови и штици на патека, освен за целите на товарање или растоварање на количка или кочија.
Причината за законот била да се обезбеди луѓето слободно да шетаат низ улица без таа да биде блокирана.
5. Законот за лосос од 1986 година
Овој закон забранува ловокрадство; освен тоа нелегално е човек да се „справува“ со лосос во сомнителни околности.
6. Прерогатива регис од 1322 година
Овој закон вели дека сите китови и моруни кои се наоѓаат во Велика Британија ѝ припаѓаат на круната.
Законот се'уште се почитува - во 2004 година рибарот Роберт Дејвис ѝ понудил на кралицата моруна тешка 4 килограми која ја фатил на велшкиот брег.
7. Метрополитскиот полициски акт од 1839 година
Да, постојат уште неколку регулативи под овој закон.
Законот вели дека не смеете да удирате тепих на улиците после 8 часот наутро. Исто така, не смеете да пеете непристојни песни или балади, да летате змеј или да пукате со топ или било какво огнено оружје.
8. Клаузулите на актот на градската полиција од 1847 година
Закон кој забранува лизгање - се забранува правењето лизгалки од мраз или снег.
9. Големиот лондонски законски акт од 1999 година
Ако постои знак кој вели дека треба да чекате или ако член на персоналот ви вели да чекате, тогаш нелегално е да го прескокнете редот според статутот на превозот во Лондон.
10. Законот за лиценцирање од 1872 година
Истиот закон вели дека нелегално е да бидете пијани во лиценцирани простории. Ова буквално значи дека не смеете да бидете пијани во паб.