Вселенската капсула „Драгон“ во понеделникот се вратила од новиот лет до Меѓународната вселенска станица и така станала прво комерцијално вселенско летало што го извело вториот лет кон МВС (ISS), но и оттаму.
Астронаутот Џек Фишер направи фасцинантна фотографија на која се гледа како „Драгон“ влегува во атмосферата, за набрзо да падне во Тихиот Океан.
Мисијата била спроведена рутински, што всушност била и нејзината цел. Планот на Илон Маск, извршен директор на „Спејс икс“, е да ја рециклира и да ги врати на Земјата сите делови на ракетата, вклучувајќи ја и капсулата, за повторно да бидат искористени, а со тоа да се намалат трошоците за идните мисии.
Пониската цена значи и поголем број летови, но и повеќе експерименти и нови научни откритија. На овој лет „Драгон“ вратил податоци од студијата во која се проучувало како микрогравитацијата влијае врз срцето и матичните клетки, но и истражување на лекови кои би можеле да го решат проблемот со губењето на коскената маса, пренесува
Вајрд.
Освен летовите кон МВС, пониската цена на мисиите би можела да доведе и до поголем број сателити, можност за побрза изградба на нови станици во орбитата и за наше побрзо патување на Марс.