Google Earth и Google Maps веројатно се наједноставниот начин на кој можете да дојдете до сателитски поглед на својата куќа и нејзината околина. Но, тоа не се единствените трикови што тие ги нудат. Еве некои интересни нешта што можете да ги направите, а можеби не сте ги знаеле.
Што е подобро: Google Earth Satellite View или Google Maps?
Google Earth и Google Maps користат исти сателитски снимки, како и снимки од разни улици. Пребарувањето, насоките и уште некои функции функционираат прилично слично. Но, има и значајни разлики.
Google Earth е тродимензионален виртуелен глобус, додека Google Maps повеќе е дводимензионална мапа, иако имаат и 3Д-функции.
Google Maps ќе ви биде покорисна ако ви требаат информации за локацијата на која се наоѓате, ќе ви понуди насоки како да стасате од едно место до друго, а собраните информации ги синхронизира за да бидат достапни и на другите уреди што ги користите.
Од друга страна, Google Earth нуди подобар сет на слоеви при користењето на сателитските снимки. Благодарение на функцијата Voyager, можете да истражувате интересни историски и културни локации, како и природата во светот.
Накратко: кога ви требаат насоки во градот кој не го знаете, подобар избор ви е Google Maps. За истражување на светот одберете го Google Earth.
А еве што сè можете да правите со Google Earth:
1. Погледнете ја својата куќа од високо
Како ќе ја најдете својата куќа?
Отворете го
Google Earth. Во делот за пребарување во горниот лев агол внесете ја својата адреса. Два пати по ред кликнете на својата адреса во резултатите од пребарувањето. Потоа повлечете го човечето од десниот долен агол на улицата за да активирате Street View и одблиску да го погледнете својот дом.
Фото: Tportal
Можете да преварувате по адреси, имиња на компании или организации, географска широчина и должина, клучни зборови и имиња на локалитети. Така можете да истражите што каде е во местото каде што имате намера да летувате, на пример.
Доколку одите на
This Is Home, пак, можете да влезете во домовите на луѓе низ светот, а можете да одите и на некое од многубројните виртуелни патувања.
2. Патувајте без да се поместите од фотелјата
Фото: Tportal
3. Измерете оддалеченост и површина
Видовте парче земја што ви се допадна, но не знаете колку е големо? Употребете ја алатката Measure. Ако користите Google Earth Pro, за мерење можете да ги употребите линиите и облиците за да ја проверите оддалеченоста и да ја процените елевацијата. Во Google Earth за Chrome, Android и iOS, алатката Measure можете да ја употребите за пресметка на периметар или оддалеченост меѓу две точки на мапата.
Фото: Tportal
4. Вратете се во минатото
Google Earth Pro може да служи како времеплов. Отворете го менито и одете на View, па на Historical Imagery. Кликнете на Historical Imagery во долниот лев агол. Кликнете на датумот во долниот лев агол. Google Earth ќе ви ги понуди најстарите достапни фотографии.
Фото: Tportal
5. Следете ги временските услови
Со помош на Google Earth можете да добиете податоци за температурата, брзината на ветрот и изгледите за дожд речиси во реалното време.
Откако ќе отворите Google Earth, на панелот од левата страна кликнете на сликичката за Voyager. Меѓу понудените категории одберете Layers.
Одете надолу додека не ја најдете опцијата Current Weather Radar. Можете да одберете и други функции како Current Global Temperature, Global Wind Speed или 24-Hour Global Precipitation.
Фото: Tportal
6. Следете ги природните непогоди речиси во реално време
Алатката Google Crisis Map служи за да нè предупреди за природните непогоди како бури и урагани, земјотреси итн. Можете да ја користите на кој било уред или интернет-пребарувач. Собира информации од различни релевантни извори и ги прикажува така што е полесно да се разберат.
Фото: Tportal
7. Забавувајте се
Google Faces е неофицијален проект чии учесници се обидуваат да најдат лица сокриени во топографијата на нашата планета. Google Earth VR, пак, наскоро ќе може да ве одведе на виртуелен годишен
одмор.
Фото: Tportal