Работата од дома го продолжила просечниот работен ден

Кога пред четири месеци во „Мајкрософт“ се нашле во ситуација да мораат да ги испратат своите вработени да работат од дома, сфатиле дека од тоа искуство би можеле нешто и да научат. Почнале да следат како се однесуваат луѓето, како функционираат тимовите и како сето тоа може да се искористи за да им се помогне на луѓето и да се олесни работата во новото опкружување.

Преку алатката „Workplace Analytics“ и дополнителни анонимни анкети тие дошле до интересни податоци за работата од дома. Се покажало дека бројот на состаноци и нивното вкупно траење е во пораст, но дека некои поединечни состаноци сè почесто се пократки од половина час. Скратувањето на состаноците е пресврт во долгогодишен тренд во работата, велат оттаму.

Флексибилноста на закажувањето на состаноците довело до тоа да тие почесто биле одржувани во попладневните часови, а работниот ден станал фрагментиран затоа што луѓето морале да балансираат меѓу приватниот и деловниот живот.

А кога станува збор за работното време, тоа се поместило во „нова трета смена“. Пораста на активноста меѓу 18 часот и полноќ била на ниво од 52%, а границите меѓу работното време и паузата, и викендите, дополнително се заматени, ако не и избришани.

На крај, тоа довело до просечно подолго работно време, кое луѓето ѝ го „подариле“ на компанијата - во траење од просечно четири часа неделно. Причина за тоа е што вработените земале делови од работното време за извршување разни приватни задачи, а за компензираат морале да стануваат порано и да го завршуваат работниот ден подоцна од вообичаено.

Извор: Bug
Насловна фотографија: Pixabay