Џефри Хинтон, човекот кој го нарекуваат „кумот на вештачката интелигенција“, а кој е потпретседател на „Гугл“, даде отказ.

Во интервју за „Њујорк тајмс“ тој открил дека ја поднел оставката за да предупреди на ризиците поврзани со технологијата. Хинтон е загрижен дека „Гугл“ се откажува од својата претходна воздржаност кога станува збор за јавните форми на вештачката интелигенција во обид да се натпреварува со „Чет-ГПТ“ и слични модели, притоа отворајќи ја вратата за многу етички проблеми.

„Можеби повеќе нема да знаете што е вистина“

Хинтон е загрижен дека во блиска иднина вештачката интелигенција би можела да доведе до бран од дезинформации. Тој е загрижен и дека ќе се елиминира макотрпната работа на луѓето, но и целосно ќе бидат заменети одредени професии. Според него, постои можност за создавање целосно автономно оружје, а можеби нема да може да се спречи ескалација без прописи и развој на соодветна контрола.

Geoffrey Hinton, an AI pioneer, quit his job at Google, where he has worked for more than decade, so he can freely speak out about the risks posed by AI.

“It is hard to see how you can prevent the bad actors from using it for bad things,” he said.https://t.co/M2TlIHxZBv

— The New York Times (@nytimes) May 1, 2023

Тој открил дека неговиот став почнал да се менува минатата година кога неколку технолошки компании почнале да создаваат системи за кои верува дека понекогаш се посупериорни од човечката интелигенција.

- Страшно е тоа што би можело да се случи во следните пет години - изјавил тој.

Хинтон ја посветил кариерата проучувајќи невронски мрежи кои често се клучни за вештачката интелигенција, а најпознат е по создавањето систем за препознавање објекти во 2012 година.

Извор: Geek
Насловна фотографија: Twitter