Ноќеска во Лос Анџелес беа доделени најпрестижните музички награди „Греми“, на кои најголеми победници се Карди Би, Маскгрејвс и Лејди Гага.

Карди Б (26) влезе во историјата со тоа што стана прва жена што освои „Греми“ за најдобар рап-албум - „Invasion Of Privacy“, а беше и на чело на листата со најинтересно облечени жени на црвениот тепих.

Во чекор ја следеше 30-годишната кантавторка Кејси Маскгрејвс, која ја освои најважната награда – за албум на годинава за „Golden Hour“, а на крајот си замина со четири златни грамофони.

Трета најважна женска добитничка на вечерта беше Лејди Гага, која освои награда во категориите најдобар поп-дует за песната „Shallow“, која ја испеа со Бредли Купер во филмот „Ѕвездата е родена“, најдобра соло-изведба за песната „Where Do You Think You’re Goin’?“ и најдобра песна напишана за визуелни медиуми.

We are still excited seeing @MichelleObama on the #GRAMMYs stage with @ladygaga, @jadapsmith, @JLo and our host, @aliciakeys! 👑👑👑👑👑 pic.twitter.com/lqResWqkDw

— Recording Academy / GRAMMYs (@RecordingAcad) February 11, 2019

Следуваат уште неколку добитници на „Греми“ во популарни категории.

Песна на годината – Доналд Гловер и Лудвиг Горансон - „This is America“

Најдобар нов изведувач – Дуа Липа

Најдобар поп-албум – Аријана Гранде - „Sweetener“

Најдобра денс-песна – Силк Сити, Дуа Липа, Дипло и Марк Ронсон - „Electricity“

Најдобра рап-песна – Дрејк - „God’s Plan“

Најдобра рап-изведба – Кендрик Ламар, Џеј Рок, Фјучр и Џејмс Блејк - „King’s Dead“

Најдобар аренби-албум – H.E.R. - “H.E.R.”

Најдобра аренби-песна – Ларанс Допсон, Џоел Џејмс, Ела Маи и Дижон Мекфарлан - „Boo’d Up“

Најдобар рок-албум – Грета Ван Флит - „From The Fires“

Најдобра рок-песна – Џек Антоноф и Ани Кларк - „Masseduction“

Извор: МИА