Македонското кредитно биро АД Скопје (МКБ) и Економскиот факултет при Универзитетот „Св. Кирил и Методиј“ потпишаа меморандум за соработка со кој се предвидува реализација на активности преку кои студентите ќе можат поблиску да се запознаат со улогата и значењето на МКБ.
Ќе се организираат едукативни предавања, работилници и панел-дискусии чија тема ќе бидат практични проблеми и секојдневни предизвици со кои се соочуваат младите во управувањето со личните финансии.
Целта на овие активности е да се пренесат знаењето и искуството на експертите на Македонското кредитно биро од секојдневното работење и да се насочат младите луѓе како да носат правилни финансиски одлуки, преку кои ќе си обезбедат финансиска стабилност и ќе избегнат презадолжување.
(Комерцијална објава)