По повод 23 Април, Интернационалниот ден на книгата, тимот од книготека „Икона“ го дава своето видување на позицијата на книгата во космосот.

Во продолжение неколку значења на книгата:

1. Книгата е пријател на твојата совест и непријател на твојата суета.

2. Книгата е разговор на душата со самата себе.

3. Книгата е патување до мудроста што го поплочуваш со распарчени делови од твоите заблуди.

4. Книгата е привлечна одисеја во која никогаш не си сам.

5. Поривот за слобода е таинствено затворен во страниците на книгата.

6. Ликовите од книгата никогаш нема да те осудат поради тоа кој си.

7. Книгата е огледало во кое откриваш нови црти од твоето лице.

8. Книгата е почивалиште за уморните и отскочна штица за подготвените.

9. Книгата е моќен штит. Куршумот можеби пробива тело, но тој не може да продре во твојот дух.

10. Тесноста на животот е проткаена во долгите реченици искажани од нивниот бунтовен и великодушен креатор.

Честит Интернационален ден на книгата.

(Комерцијална објава)