Општина Центар заедно со компанијата „Ватростална“ донираа едукативни пакетчиња од „Светот на Биби“ во повеќе хуманитарни здруженија. Во основното училиште „Киро Глигоров", заедно со претседателката и основач на здружението „Проект среќа“, Кристина Арнаудова донирани беа пакетчиња на дечиња кои се интегрирани од сите категории на социјален ризик и се регистрирани членови во ова здружение.
Градоначалникот на Општина Центар, Саша Богдановиќ ги израдува и дечињата од Здружението Трисомнија 21 - Скопје, дневен центар за лица со даунов синдром.
Со топли насмевки и искрени прегратки им се заблагодарија за новогодишните подароци.
Утрово пак, подароци добија дечињата кои се лекуваат на различни оддели во ЈЗУ „Универзитетска клиника за детски болести" и на лицата кои членуваат во Здружението на слепи и лица со оштетен вид во Скопје.