Куќички за птици, шарени дрвени саксии, интересни идејни решенија за цвеќиња, украсни елементи, бубамари изработени од камчиња се само дел од креациите на вештите рачиња на дечињата и нивните родители кои ќе го красат дворот на матичниот објект на скопската градинка „Кочо Рацин“.

Во оваа градинка има редовни активности во кои се вклучени родителите, а овој пат тоа дружење беше на тема хортикултурно уредување на дворот.  Големиот број присутни родители, како и нивната отвореност за соработка, креативност и нескриена амбиција, беа само потврда за успешноста на ова дружење, велат од градинката. Заедно со децата беа засадени есенски цвеќиња, зимзелени дрвца и други растенија, кои го разубавија дворот. Сите изработки се направени од рециклирани материјали.