Извршниот директор на „Дипмајнд“, Демис Хасибас, е рангиран како најпаметен извршен директор во светот, а зад него се основачот на „Мета“, Марк Закерберг, сопственикот на „Твитер“ и „Тесла“, Илон Маск, и извршниот директор на „Гугл“, Сундар Пичаи.

- Хасабис, познат по својата двојна експертиза како истражувач на вештачката интелигенција и невронаучник, ги збогати своите јавни дискурси со уникатен спој на знаењата - пишува во извештајот направен од компанијата „Преплај“.

Оваа онлајн коучинг компанија направи детална анализа на јавното говорење на различни извршни директори и ги оцени на скала од 100 поени. Интелигенцијата на извршните директори е рангирана врз основа на пет клучни карактеристики: распон на вокабулар, читливост на текстот, критичко размислување, мерење на сложеноста на структурите на реченицата и способноста на говорникот да го поврзе својот дијалог со пошироки контексти.

Извршниот директор на „Дипмајнд“ се најде на првото место со оцена 87,33, директорот на „Блекстоун“ се најде на второто место со оцена 74,33, додека третото место му припадна на извршниот директор на „Беркшир хетавеј“, Ворен Бафет со оцена 74.

Џеф Безос се најде на петтото место, Закерберг на осмото, а најбогатиот човек на светот, Илон Маск, дури на 16. место.

Во извештајот се наведува дека интелигенцијата проценета во нивното истражување не е единствената детерминанта за успех во водење компанија.

- Секој лидер на оваа листа, без разлика на неговиот резултат, покажа извонредни лидерски квалитети и даде значаен придонес во своите сектори - се заклучува во извештајот.

Извор: Livemint.com
Фото: Screenshot/YouTube