Повеќе од три децении на лекарите им недостига многу прецизен ран дијагностички тест за откривање рак на јајчниците.
Сега, научниците од Технолошкиот центар за истражување на канцерот во Џорџија го комбинирале машинското учење со информации за метаболитите во крвта за да развијат нов тест кој може да открие рак на јајчниците со 93 отсто точност, меѓу примероците од студиската група на тимот.
Џон Мекдоналд, почесен професор на Факултетот за биолошки науки и автор на студијата, објаснува дека точноста на новиот тест е подобра во откривањето на ракот на јајчниците, отколку постојните тестови кои клинички се класифицирани како нормални, со особено подобрување во откривањето на болеста во рана фаза.
Врз основа на нивните компјутерски модели, истражувачите развиле клинички покорисен пристап за дијагноза на рак на јајчници - каде што може да се користи индивидуалниот метаболички профил на пациентот за да се одреди попрецизна веројатност за присуство или отсуство на болеста.
- Овој персонализиран пристап кон дијагнозата на ракот е клинички поинформативен и попрецизен од традиционалните бинарни (да/не) тестови. Тоа претставува ветувачка нова насока во раното откривање на ракот на јајчниците, а можеби и на други видови на рак - вели Мекдоналд.
Ракот на јајчниците често се нарекува „тивок убиец“ бидејќи обично е асимптоматски кога се појавува - и обично не се открива до подоцнежните фази на развој, кога веќе е тешко да се лекува. Додека просечната стапка на петгодишно преживување за пациентите со доцна фаза на рак на јајчниците, дури и по третманот, е околу 31 отсто, Мекдоналд објаснува дека ако ракот на јајчниците се открие и се лекува рано, просечната петгодишна стапка на преживување е поголема од 90 отсто.
- Јасно е дека постои огромна потреба за точен ран дијагностички тест за оваа подмолна болест - вели Мекдоналд.
Коавторот на студијата, Донѓо Бан, чие истражување на тезата придонело за студијата, го објаснува следното: „Затоа што се знае дека промените во крајната точка на метаболичко ниво ги рефлектираат основните промени кои дејствуваат заедно на повеќе молекуларни нивоа, ги избравме метаболните профили како столб на нашата анализа“.
- Познато е дека илјадници метаболити циркулираат во човечката крв и може лесно и прецизно да се детектираат со масовна спектрометрија и да се комбинираат со машинско учење за да се воспостави точна дијагноза на рак на јајчниците - заклучува Бан.
Извор: Okvir.net
Фото: Pexels