Шведскиот трговец со мебел „Икеа“ почнува со радикална промена во работата, која веќе нема да се базира само на продажба на мебел, туку и на негово изнајмување.

Како што пишуваат западните медиуми, компанијата уште од овој месец би можела да почне со изнајмување мебел, а тестирањето ќе биде на швајцарскиот пазар.

Од „Икеа“ наведуваат дека можноста за изнајмување ќе се однесува на различни видови мебел, но на почетокот ќе се нуди исклучително канцелариски мебел.

- Ќе соработуваме со партнери за да можеме да го изнајмуваме мебелот. Кога ќе истече времето, можете да го вратите мебелот и да изнајмите нешто друго - истакна Торбјорн Лооф, извршен директор на компанијата „Интер Икеа“, која го поседува брендот „Икеа“.