Сите сакаме да си ја најдеме среќата. Впрочем, тоа е единствената најважна цел во нашите животи. Иако не сите луѓе можат да бидат среќни постојано, една земја може.

Секако, тешко е да се измери среќата затоа што постојат голем број фактори што влијаат врз неа. Светскиот извештај за среќа за 2021 година беше особено интересен затоа што ги зеде предвид ефектите на ковид-19 и се обиде да се фокусира на тоа како пандемијата влијаеше врз животот на луѓето и како владите низ светот успеаја да се справат со ситуацијата.

Ако се прашувате како напредуваше целиот свет во сето ова лудило, ова се петте земји што и покрај сè, се прилично среќни.


Финска повторно се најде на првото место како најсреќна земја во светот. Ова место го држи веќе четврта година по ред. Со еден од најдобрите образовни системи во светот, земјата веќе подолго време е посреќна од другите. Неодамна Финска ги отвори рестораните, го забрза процесот на вакцинирање и го намали бројот на позитивни случаи на ковид-19.


Уште една нордиска земја на листата. Данска е позната по тоа што е една од земјите со најдолг животен век и социјална поддршка. Исто така, Данска е една од најдобрите земји кога станува збор за велосипедистите и велосипедските патеки.


Единствената европска земја во првите пет, Швајцарија, е рај за патниците. Земјата има исклучително добро место на листата оваа година бидејќи се искачи за три места нагоре. На крајот на краиштата, нацијата оди да гласа за повеќето одлуки, дури и ако треба да се одлучи бројот на денови за одмор на работниците.


Земја која има доста високи поени кога станува збор за благосостојбата на граѓаните, Исланд е една од најдобрите држави за посета, и една од најсреќните. Познато е дека земјата привлекува многу посетители секоја година и успеа да остане една од понапредните нации во светот. Освен тоа, Исланѓаните сметаат дека секогаш можат да се потпрат на друг сограѓанин кога работите ќе станат прилично тешки.


Според извештајот на УНИЦЕФ од 2013 година, холандските деца се најсреќни во светот. Сигурно тоа кажува нешто за земјата. Холандија остана високо на ранг-листата уште од 2005 година, што е прилично голема работа. Доволно е тешко да се одржуваат ваквите рангирања од година на година, но овој вид на постојаност е исклучително тежок.

Извор: Indiatimes.com
Фото: Freepik