Препознатливиот вкус на кромидот се должи на сулфурот што го апсорбира од почвата. Кога јадете жив кромид, тој има лут вкус, а со готвењето вкусот му станува сладок. Сепак, кромидот ослободува и ензим што од сулфурот произведува супстанција слична на сулфурна киселина која ги надразнува очите.

За да немате проблем со очите додека сечкате кромид, треба да знаете како да го сечкате. Важно е да користите остар нож - тапите ножеви ќе оштетат делови од кромидот и на тој начин ќе ослободат повеќе ензими.

Пред да го исечкате, ставете го еден час во фрижидер - ниската температура ќе ја забави активноста на ензимот што произведува надразнувачки супстанции.

Ќе помогне и ако ножот го намачкате со сок од лимон зашто ќе го намали дејството на сулфурните компоненти на кромидот.