Научници од колеџ во Лондон и Британската антарктичка асоцијација со помош на сателит откриле езеро од лава на Саундер – остров што се наоѓа на крајниот исток на Антарктикот.
Езерото е едно од осумте од тој вид што досега се откриени на Земјата. Се претпоставува дека температурата на лавата е меѓу 989 и 1.279 Целзиусови степени.
Според стручните лица, островот и вулканската планина на него се многу тешко достапни, па без сателитски снимки со висока резолуција е речиси невозможно да се дознае нешто повеќе за овој природен феномен.
Еден од следните планови вклучува и прелет со авион или дрон над вулканот за да може да се сними езерото. Тој потфат ќе биде сложен и веројатно ќе поминат години пред да се реализира.
Извор: МИА