Стотици илјади литри вино протекоа во мал град во Португалија откако два резервоара полни со црвено вино се истурија на улиците.
На снимки од Сау Лоренсо до Баиро, Анадија, околу 240 километри северно од Лисабон, може да се види црвена река која тече низ улиците. Поплавениот град е дом на околу 2.000 жители.
Локалните медиуми проценуваат дека истекле 2,2 милиони литри вино, што е доволно за да се наполнат 2.933.333 шишиња вино. Португалските медиуми пренесоа и дека бил поплавен најмалку еден подрум.
Жителите биле загрижени за загадувањето на локалната река, но пожарникарите успеале да го блокираат текот и да го пренасочат виното во блиско поле.
Од винарницата чие било виното се извинија за инцидентот и направената штета. Оттаму додадоа дека никој не бил повреден од протекувањето и дека властите ја истражуваат причината за инцидентот.
Насловна фотографија: Twitter (screenshot)