Кога ќе помислите на Јапонија, веројатно мислите на тивко место со градини и храмови. Но не е така. Градини и храмови има во земјата, но има и врева.

Јапонија е една од најурбанизираните земји во светот бидејќи 92% од населението живеат во градовите. Овие жители живеат со врева. Во 2018 г. извештај од Светската здравствена организација (СЗО) покажа дека Јапонија е најбучната држава во светот. Во фреквентните метро-станици има врева на ниво од околу 100 децибели, што е речиси двојно над препорачаната граница според СЗО. Затоа, зборот „dorozoku“, што објаснува човек што го попречува движењето, зборува гласно и им пречи на другите, е популарен во земјата.

Овој збор станал популарен благодарение на веб-страницата „DQN Today“, која објавува известувања за врева и други настани што може да им го попречат мирот на другите. На веб-страницата има интерактивна мапа на која може да се видат локации на кои жителите прават врева. На мапата има над 6.000 „бучни“ локации кои биле детектирани од локални жители.


Мапата постои од 2016 г., а ја направил жител на Јокохама кој сакал да остане анонимен. Тој бил поттикнат да ја направи мапата поради деца што правеле врева во близина на неговиот дом и му ја нарушувале концентрацијата. Тој сакал мапата да им помогне на другите луѓе да ги одбегнуваат бучните населби како неговата.

Меѓу другото, на мапата има и поплаки за гласни деца кои се „како мајмуни во зоолошка градина“, како и семејства што прават скара иако просторот помеѓу куќите е тесен.

Веб-страницата е популарна насекаде низ Јапонија, а била особено често користена од почетокот на пандемијата поради зголемена бучава. Бројот на поплаки е поголем за илјадници од периодот пред пандемијата.

Автор: Френк Џејкобс
Извор: bigthink.com
Фото: Pixabay