Денес е среда, 30 ноември 2016 година, 335-иот ден во годината. Сонцето
изгреа во 06:35, а ќе зајде во 16:08 часот. Денот ќе трае 09 часа и 33
минути.
Ова утро во североисточните, северните поголем дел од западните предели
имаме претежно ведро и студено време. Во останатите предели претежно
облачно време со тенденција за намалување на облачноста.
МАКЕДОНИЈА - Во Македонија во среда ледено утро и појава на утрински
мраз а понекаде и услови за појава на голомразица, поради влажноста но и
ниските утрински температури кои ќе се движат од -10 до 0 степени. Во
утринските и претпладневните часови умерено облачно време ќе преовладува
во јужната половина од Македонија, а во останатите предели ќе биде
претежно сончево. Попладне разведрување па секаде се очекува претежно
сончево време со појава на локална облачност, студено и ветровито време.
Ќе дува засилен северозападен и североисточен ветер. Максималните дневни
температури ќе се движат од -4 до 5 степени.
СКОПЈЕ – Во Скопје денеска не очекува претежно сончево време со локална
облачност, ветровито и студено време. Ќе дува доумерен северен ветер.
Утринската температура од -2, а максималната дневна до 2 степени.
МАКЕДОНИЈА 5 ДЕНА – Во наредните денови Македонија ќе биде под влијание
на поле на висок воздушен притисок кој ќе условува стабилно но и многу
студено време. Во четврток ледено утро со утрински температури од -12 до
-3 степени, а во текот на денот ќе биде умерено облачно со сончеви
периоди и студено време со максимални температури кои ќе се движат од -2
до 8 степени. Во петок и сабота ледено утро со минимални температури од
-10 до -1 , односно од -8 до 1 степен, а во текот на денот претежно
сончево со локална облачност и малку потопло време и дневни температури
од 0 до 10 степени во петок, односно од 1 до 11 степени во сабота. Во
недела умерено облачно време си повремени сончеви периоди и пораст на
утринските температури кои ќе се движат од -6 до 3 степени, а
максималните од -1 до 9 степени.
Weather4all.com.mk