Денес е четврток, 5 јануари 2017 година, 5-иот ден во годината. Сонцето
изгреа во 06:55, а ќе зајде во 16:22 часот. Денот ќе трае 9 часа и 27
минути.
Ова утро имаме претежно облачно и студено време. Понекаде врнежите од
дожд и снег веќе започнаа. Слаби врнежи од снег се бележат во Крива
Паланка, Страцин, Куманово, Тетово, Гостивар, планинскиот превој Стража,
Кула и Маврово. На Попова Шапка врнежите од снег се со среден
интензитет. Врнежи од слаб има во Охрид и Дебар..
МАКЕДОНИЈА – Под влијание силно изразен Медитерански циклон но и продор
на поларна воздушна маса од север денеска не очекуваат поинтензивни
врнежи дожд и снег. Претпладне облачно со врнежи од снег, а врнежи од
дожд се очекуваат во јужните, југозападните и југоисточните предели пред
се поради јужното воздушно струење. Но попладне снежната граница ќе се
спушта и врнежите од дожд во овие предели ќе преминуваат во врнежи од
снег. Поинтензивни врнежи се очекуваат во доцните попладневни и
вечерните часови како и во текот на ноќта четврток кон петок, а врнежите
од снег ќе бидат проследени и со засилен северозападен и североисточен
ветер кој може да предизвика дополнителни проблеми поради можноста од
снежни наноси на планините и планинските превои. Утринските температури
од -5 до 3 степени, а максималните ќе достигнат до -2 односно до 8
степени.
СКОПЈЕ – Во Скопје денеска облачно со врнежи од дожд кои попладне ќе
преминуват во врнежи од снег. Ќе дува доумерен слаб северозападен ветер.
Утринската температура од -2 а максималната дневна до 3 степени.
МАКЕДОНИЈА 5 ДЕНА – Врнежите од снег проследени со засилен ветер како и
падот на температурите ќе продолжи и во петок. Максималните температури
ќе бидат всушност утринските и ќе се движат од -10 до 0 степени, а во
текот на денот тие ќе опаѓаат па кон крајот на денот ќе се движат во
интервал од -14 до -7 степени. Во сабота претежно облачно време со
провејување на слаб снег, ветровито и студено време со дневни
температури од -14 до -4 степени. Во недела умерено облачно време со
повремени сончеви периоди и студено време. Утринските температури од -20
до -12, а дневните од -11 до -1 степен. Умерено облачно време со
повремени сончеви периоди но и малку потопло се очекува во понеделник.
Утринските температури од -15 до -8 степени, додека пак максималните
дневни ќе се движат во интервал од -8 до 3 степени.
Weather4all.com.mk