Откако Меланија Трамп стана првата дама на Америка, нејзината родна држава Словенија, доживува вистински туристички бум.


Според податоците кој во вторникот ги објави словенскиот завод за статистика, бројот на престојувања на американски туристи во Словенија скокна за 10% во 2016 година во однос на 2015.

Словенските туристички агенции добро го искористија доаѓањето на Трамп на власт па организираат туристички тури наречени „По стапките на Меланиа Трамп“ кои ги водат туристите на местата каде Меланиа живеела, студирала и работела пред да замине од Словенија за да ја продолжи кариерата како модел.

На веб страницата која се промовира Словенија и нејзините природни убавини пишува: „Добредојдовте во домот на првата дама на Соединетите Американски Држави“.