Фото: Profimedia
Фотографот од агенцијата „AP“, Вонг Маје-Е, последните три години ги поминала во Северна Кореја, фотографирајќи ги луѓето и обидувајќи се да ја стекне нивната доверба и така од нив да ги извлече искрените одговори на наједноставните прашања.
„Што ви е важно во животот?“, „Кое е вашето животно мото“, беа прашањата кои Вонг ги поставувала додека ги фотографирала луѓето. Нивните одговори го докажаа она што долго време се зборува - нивниот живот е ужасен и под апсолутно влијание на диктатурата.
Колку и да се трудела, Вонг успевала да добие само одговори за патриотизмот, љубовта кон Ким Џонг Ун и желбата да му се удоволи. Ова се нивните одговори.
„Како дел од работничката класа ќе го посветам животот за реализирање на идеалите на Ким Џонг Ун и напорно ќе работам за да ги реализираме“ - Ким Џонг Сил.
„Тоа што сум девојка не ме спречува да го поддржам водството на Ким Џонг Ун и ме тера да бидам уште подобра“ - Џанг Сол Хијанг.
„Да се насочам кон создавање на уметност инспирирана од владејачката идеологија и да ѝ донесам слава на оваа идеја, идеја за доверба и сигурност“ - Парк Син Хиџок.
„Да ширам пропаганда во земјите ширум светот“ - Ри Нам Хае.
„Сакам да го поддржам Ким Џонг Ун и Северна Кореја со мојата пушка“ - Кил Мијонг Кијонг.
„Сакам да освојувам спортски медали и да му удоволам на нашиот владетел Ким Џонг Ун“ - Вон Дае Чол.
„Сакам да освојувам златни медали и да бидам одлична спортистка, па така да ја ширам свеста за спортската дисциплина во светот“ - Ри Сук Хијан
Фото: Profimedia
„Сакам да живеам здрав живот поддржувајќи ја владејачката партија на Северна Кореја“ - Ри Чун Им
„Сакам секогаш да им помага на другите, но секако, патриотизмот ми е најважен“ - Кил Џин А
„Сакам да го посветам животот на лидерот Ким Џонг Ун до самиот крај. За него и татковината“ - Пак Су Вон
„Сакам да ги поттикнам другите луѓе да се посветат на изградба на успешна нација низ предавања и тури, како водич, колку што можам“ - Ким Сон Хуи
„Сакам да му удоволам на нашиот драг лидер работејќи за луѓе во нашата земја“ - Ким Кон Хуи
„Да го задоволам лидерот работејќи напорно за луѓето од оваа зеја“ - Јанг Пок Јонг
„Сакам да бидам светски издавач еден ден“ - Хам Кум Хијок
„Сакам да му удоволам на нашиот лидер, учејќи напорно“ - Пак Ми Хијанг
„Со напорна работа сакам на
лидерот да му ја вратам љубовта и заштитата која ми ја овозможува“ - Ким Хијон Ае.