Неодамна емитуван прилог во емисијата на американскиот водител Џими Кимел открива колку всушност Американците немаат поим за остатокот од светот.

Имено, Кимел испратил човек на улиците на Лос Анџелес кој со себе имал карта на светот и ги замолувал случајните минувачи да именуваат некоја држава на картата, по нивни избор.

Резултатите се шокантни.

Некои покажаа барем некое ниво на познавање и ги идентификуваа континентите како Африка или Азија, но беа потсетени дека тоа, всушност, не се држави.

- Кој знае такви нешта - се жали една жена кога е прашана да именува една држава во Африка.

Еден човек за Алјаска рече дека е Гренланд или Исланд или така нешто, една жена, пак, не можеше да ја покаже ни Америка на мапата и покажа кон Русија.

- Можете ли да кажете барем една земја во Европа - ја прашува продуцентот.

- Дали ова е Европа - прашува таа, покажувајќи кон Австралија, а потоа кон Африка.

- Одевте ли во средно? Одевте ли на факултет - прашува продуцентот.

- Да, тоа е тажното - вели таа.