Јапонија се чувствува малку осамена деновите. По неколкугодишната вртоглава популарност како меѓународна дестинација за патувања, ограничувањата предизвикани од пандемијата го запреја туризмот.

Но, се чини дека затишјето во меѓународното патување до Јапонија ќе биде само привремена ситуација. Фондацијата „Банка за развој на Јапонија и јапонското биро за патување“ ги објави резултатите од неодамнешното истражување за постпандемичните планови на патниците. Јапонија е на врвот на нивната листа со земји за посета.


На прашањето каде сакаат да одат во земјата, Токио беше најчестиот одговор на 47 отсто од испитаниците. Потоа беше северниот остров Хокаидо (42 отсто), познат по прекрасните планини и скијачки падини од светска класа, како и централниот регион Кансаи (37 отсто), кој ги вклучува Кјото, Коби и урбаните атракции на Осака. Атракциите надвор од главниот град, како што е приморскиот град Јокахома и топлите извори Хаконе, се најдоа на четврто место со 30 отсто.

На прашањето зошто се надеваат дека ќе ја посетат Јапонија, испитаниците истакнуваат дека земјата има прекрасни и уникатни дестинации што би сакале да ги видат. Репутацијата на јапонската вкусна храна (43 отсто) и нејзината чистота (36 отсто) исто така биле силни мотивирачки фактори.

Секако, сите овие потенцијални планови за патување ќе се случат по завршувањето на пандемијата.