- Се будам рано. Легнувам рано. Сакам да читам весник. Сакам да пијам кафе. Сакам да појадувам со децата пред да одат на училиште.

Затоа и го закажав мојот прв состанок во 10 часот. Сакам да ги одржувам моите високоинтелигентни состаноци пред ручек. Сè што е ментално предизвикувачко е во 10 часот наутро бидејќи по 17:00 часот не можам да размислувам за никакво прашање или проблем.

Потоа продолжувам со осум часа сон. Му давам приоритет на спиењето, освен ако не патувам во различни временски зони. Понекогаш не можам да отспијам осум часа, меѓутоа, во поголемиот дел од времето сум одлучен толку да ми трае сонот затоа што така мислам подобро, имам повеќе енергија и расположението ми е подобро.

Размислете: Како постар извршен директор, за што земате плата? Земате плата за да донесете мал број квалитетни одлуки. Вашата работа не е да донесувате илјадници одлуки секој ден.

Да речеме дека спиев шест или четири часа. Тогаш имам плус четири таканаречени продуктивни часа. Значи, ако порано имав 12 часа продуктивно време, сега имам 12 плус 4, што се 16 продуктивни часови. Така, имам 33 отсто повеќе време да донесувам одлуки. Ако претходно требаше да донесам сто одлуки, сега можам да донесам плус 33. Дали навистина вреди ако квалитетот на тие одлуки е низок затоа што сум уморен?

Различно е ако компанијата е стартап. Кога „Амазон“ имаше сто вработени, тоа беше друга приказна, но „Амазон“ не е на почетокот и сите наши високи извршни директори работат на ист начин како што работам јас. Тие работат во иднината. Тие живеат во иднината. Никој од луѓето што ми одговара мене не треба да биде фокусиран на тековниот квартал.

Кога ќе имам добар квартален конференциски повик со „Вол стрит“, луѓето ми велат: - Честитки за твојот квартал, а јас им велам: - Благодарам, но она што навистина мислам е дека тој квартал беше создаден пред 3 години.

Во моментов работам на квартал што ќе биде откриен некаде во 2023 година и тоа е она што и вие треба да го правите. Размислувајте две или три години однапред. Ако размислувате така, тогаш не треба да донесувате сто одлуки на ден. Ако донесам три добри одлуки на ден, тоа е доволно и тие треба да бидат најквалитетни. Ворен Бафет вели дека е добар ако донесе три добри одлуки на годишно ниво, и јас навистина верувам во тоа.

Донесување одлуки

Постојат начини за зголемување на брзината на донесување одлуки и тоа е многу важно.

Постојат два вида одлуки: одлуки кои се неповратни и се последични (еднонасочни) и одлуки што треба да се донесат полека и внимателно (двонасочни). Кога треба да донесете одлука, поставете си го прашањето: - Дали е еднонасочна или двонасочна? Ако е двонасочна, тогаш донесете одлука со мал тим или еден човек со висока процена. Донесете ја одлуката. Ако е погрешна, променете ја. Но, ако е еднонасочна, анализирајте ја на пет различни начини. Овие одлуки не треба да се донесуваат брзо. Дебатирајте и размислувајте.

Извадок од книгата „Измисли и скијат: Собраните дела на Џеф Безос“

Автор: Џеф Безос