Македонија и Албанија имаат најнизок просечен коефициент на интелигенција во Европа, според „Ворлд попјулејшн ривју“. Македонија има 81,91 IQ, а Албанија 81,75 IQ, додека соседните земји  бележат нешто повисоки резултати.

Просечниот коефициент на интелигенција во Бугарија е 90,99, Србија 89,6, Црна Гора 85,78 и Грција 90,77, а Белорусија, Финска, Лихтенштајн и Германија имаат највисоки резултати во Европа.

- Просечниот коефициент на интелигенција во една земја се пресметува со просечниот резултат на земјата на стандардните тестови за интелигенција, националните процени по математика, читање и природни науки, а се зема предвид севкупниот квалитет на податоците. Изворите на податоци што се разгледуваат во овој напис варираат според бројот на разгледани променливи, длабочината на анализата и најновата вредност на податоците - соопштуваат од „Ворлд попјулејшн ривју“.

Според истражување од 2019 година спроведено од истражувачите Ричард Лин и Дејвид Бекер од Институтот „Алстер“, највисоките просечни резултати на интелигенција во светот им припаѓаат на Јапонците, а Тајван и Сингапур се блиску зад нив.

Други методи за мерење на интелигенција

Според „Ворлд попјулејшн ривју“, иако интелигенцијата може да понуди сознанија, тоа е само еден дел од сложувалката кога се проценува интелектуалната моќ на нацијата. Многу алтернативни метрики даваат посеопфатна слика. Тие вклучуваат академски перформанси на стандардизирани тестови, придонес за научниот напредок преку иновации и истражување и признавање преку престижни награди како Нобеловата награда.

Ова се најпаметните земји врз основа на резултатите од тестовите на учениците во читање, математика и наука:

1. Кина
2. Сингапур
3. Макао (Кина)
4. Хонгконг (Кина)
5. Естонија
6. Канада
7. Финска
8. Ирска
9. Кореја
10. Полска

Ова се топ-земјите со највисок интелигентен капитален индекс:

1. САД
2. Обединето Кралство
3. Германија
4. Австралија
5. Сингапур
6. Шведска
7. Швајцарија
8. Канада
9. Финска
10. Данска

Извор: Greekcitytimes.com
Фото: Freepik